ஆபீஸ் பாட்டியும் பின் ஆசுப்பத்திரியும்

(Pic -Internet)

அப்பெல்லாம்,
பாட்டி முடிந்ததும்
ஆசுப்பத்திரிக்குப் போனார்கள்,
ஒரே வயிற்றோட்டம்...
பூட் பொய்சனிங்!

நேற்றுவரை ஓடினார்கள்
ஒரே வாந்தி...
ஓவர் மப்பு!

இதோ
இன்று வந்திருக்கிறார்கள்.
"எயிட்ஸா இருக்குமோ?"

நாகரிகப் பொய்கள்

(Pic - Internet)

எல்லா இணைகளும் 
மேட் போர் ஈச் அதர்;

எல்லாப் பெண்களும் 
பியூடிபுள்;

எல்லா கவிதைகளும் 
வொண்டர்புள்;

எல்லா ஆண்களும் 
ஹாண்ட்சம்;

எல்லா குழந்தைகளும்
கியூட்;

நாகரிகப் பொய்கள்
பேஸ் புக் நகரத்தில்!

ஆச்சரியத்துப்பால் 02 - காதல் சொன்ன நாடாக்கள்

CLICK HERE

தீயனவற்றை பார்க்காதே

(Pic - Internet)


நீதிதேவதையின்
கட்டப்பட்ட கண்கள் -
நடுநிலைமை என்கிறார்கள்!
இருந்தும்,
கண்கள் மூடிய
குரங்குதான்
நினைவுக்கு வருகிறது!

எங்களுக்கு என்ன குறை

(Pic -Internet )


அழகான பூக்களின் பட்டியல்.
ரோஜாக்களுக்கும்
லில்லிகளுக்கும்
முன்னுரிமை.
பாவம்,
புசிப்பவர் கூட ரசிக்காமல்...
முருங்கைப்பூக்களும்
மாம்பூக்களும்

ஆச்சரியத்துப்பால் 01 - நுதல் தரும் கவிதை

இணைப்பிற்கு இங்கே அழுத்துங்கள் Click Here

உலக அதிசயம்: எந்தக் கம்பனி சீமெந்து?

(Pic - Internet)

பாலங்களும் 

பள்ளிக்கூடங்களும் 

விழுந்து போகின்றன.

இருந்தும்..

உடைவதாயில்லை,

தீண்டாமைச்சுவர்!