பூரல் பூரித்தல் புடுங்கல்

(Pic - Internet)

ரேஷன் கடை கியூவில் குத்துச்சண்டை.
சக்கரை மூட்டைக்கு
ஒழுங்காக போகின்றன எறும்புகள்!

உருமாறும் மனிதர்கள்

(Pic -Internet)

புதிது புதிதாக
முளைத்துக்கொண்டிருக்கின்றன
மிருகக்காட்சி  சாலைகள்.
பெயரை மட்டும் மாற்றியிருக்கிறார்கள்....
அப்பாட்மண்ட் என!

ஆட்டோன்னா சிவப்பு

(Pic - Internet)














ஆடம்பர கார்களை கண்டால்
பச்சை உடை போட்டுக்கொள்கிறது
ட்ராபிக் போலீசு.

அநீதி தேவதைகள்?

படம்: வகுப்பறையில் பணம் திருட்டு போனதற்காக தன்னை ஆசிரியர்கள் தகாதமுறையில் சோதித்ததாக மாணவி திவ்யா அவரது தற்கொலைக்கு முன் எழுதியது -  நன்றி Vinavu



"காய்ந்த முகத்தையும்
கிழிந்த சட்டையையும்
கண்டுவிட்டால்
நீதி தேவதையும்
தூக்கிவிடுகிறாள்
ரேஷன்கடை தராசுகளை!"

எரியும் சிறுவர்கள்

ஒவ்வொரு பட்டாசிலும்
வெடித்துச் சிதறுகிறது..
அதை செய்தவர்களின் பால்யம்!

(Pic-Internet)

ரத்தம் கறக்கப்படும் மனித ஒட்டகங்கள்

கலப்படங்களில் சில 

கண்டுகொள்ளப்படுவதில்லை.

அப்படித்தான்...

மசகு எண்ணையில் இருக்கும்

ஆசிய ரத்தமும்!

(Pic-Internet)

ஒரு தாய் வேசியாகிறாள்

"எம்புள்ள டாக்டரு"
"எம்புள்ள எஞ்சினியரு"
அது..
பெருமைப்பட்ட அம்மாக்களின் காலம்.

இப்ப ஏதோ காலமாற்றமாம்.

பெருமைப்படுகின்றன டம்மிகள்...
"சீச்சீ...
என்  புள்ளைக்கு, தமிழெல்லாம் தெரியாது"

(Pic- Internet)

அவளின் வறுமை; நாளைக்கும் வேலை

பொய்யாகிப்போகிறது
நியூட்டனின் மூன்றாம் விதி.
தொடர்கிறது....
மேலதிகாரியின் தொடுகை!

(Pic- Internet)

தவிச்ச முயல்களும் கள்ள நரிகளும்

இண்டர்வியுவுக்கு போனது...
அவன்!
வேலைக்கு சேர்க்கப்பட்டது,
அவனிடமிருந்து
திருடப்பட்ட ஐடியா!

(Pic- Internet)

பண்பாட்டுத் தடுப்பூசியும் பிரமிட்டுக்களும்

உள்ளாடைகளுக்குள் பாதுகாக்கப்படுகிறது
கலாசாரம்;
உயிருள்ள "மம்மி"களாக!

(Pic-Internet)

பெண்ணுறுப்பு சிதைப்பு பற்றிய சில தகவல்கள்:
Vinavu
Female Genital Mutilation

சகோதரன் கண்ணிலுள்ள துரும்பு

சமுதாயத்தின் குற்றங்களைக் கண்டு
பத்து கற்கள்  எறிந்தேன்;
ஐந்து...
என் தலையில் விழுந்தது!

(Pic-Internet)