யாவரும் கேளிர்?

(Pic - Vinavu)

Read Here: Tamil Refugees in Tamil Nadu


வந்தாரை எல்லாம்
வாழ வைக்கிறதாம்
தமிழகம்.
"வந்தார்"
எனும் இலக்கணத்துள்
இன்னும்
வரவில்லைப்போலும்
இலங்கை அகதிகள்.

பணத்தின் நாணயம்

(Pic -Internet)

நேர்மையான காவலாளி
தேவை என்று
அவனை
வேலைக்கு சேர்த்தார்கள்.

முதலாளியின்
முதல் உத்தரவு...
"நான் வீட்டில இல்லேன்னு சொல்லு"

தெருநீதி தின்னும் பேருந்துகள்

(Pic - Internet)

எந்த மாடும்
மணியடித்ததாய் தகவலில்லை.
இருந்தும்...
தெருவெல்லாம்
சோழனின் தேர்கள்.

உயிருள்ள அன்பளிப்புகள்

(Pic-Internet)


பிளாட்டினம் செயின்களுக்கும்
டேப்லட்டுக்களுக்கும்
மத்தியில்...
கவனிப்பின்றி  கிடக்கிறது,
கிராமத்து நண்பன் கொடுத்த
நூறு ரூவா  சட்டை.

அந்த சட்டைக்கும்
தெரிந்திருக்க வாய்ப்பில்லை,
அது
கடன்காசில் வாங்கப்பட்டது!
 

சாலையில் செல்போன்

(Pic -Internet)

அழைத்த இலக்கத்தை
சரிபார்த்துக் கொள்ளுங்கள்.
தொடர்பு எல்லைக்குள்
எமலோகம்
வந்திருக்கிறது.